سول الأستاذ واحد التلميذ: باش كتحلم؟
قال ليه الدري: كنحلم نشد 10000 درهم ف الشهر بحال الوالد.
قال ليه الأستاذ: علاش باك كيشدهم؟
قال ليه الدري: لا، حتى هو غير كيحلم
*************
هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.قال ليه: غير طلق كانت كديها كااملة.
******************
هادي واحد المعلمة قالت لواحد التلميدة: صرفي الفعل مشى في المضارع.
*************
هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.قال ليه: غير طلق كانت كديها كااملة.
******************
هادي واحد المعلمة قالت لواحد التلميدة: صرفي الفعل مشى في المضارع.
قالت ليها التلميدة بشوية: أنا... أمشي... أنت... تمشي...
قالت ليها المعلمة: طلقي راسك شوية.
قالت ليها التلميدة: أنا أجري، أنت تجري...
***********
واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.
***********
واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.
قال ليه السرباي: الدنيا هانية، ولا عليك، ما كانتش سخونة
*********
*********
هادو جوج دراري كانوا مدابزين ف القسم.
جا الأستاد لقاهم ف ديك الحالة وسولهم: مالكم على هاد الصداع؟
قالوا ليه: لقينا 100 درهم، واتفقنا اللي قال أكبر كدبة ياخدها.
قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.
وهوما نيت يعطيوه دوك الدراري 100 درهم
*****************
هادا واحد الطبيب غادي لاجتماع ديال الأطباء، وكتب دغية ف الليل داكشي اللي غادي يقول ف ورقة.
*****************
هادا واحد الطبيب غادي لاجتماع ديال الأطباء، وكتب دغية ف الليل داكشي اللي غادي يقول ف ورقة.
الغد ليه، ملي طلع للمنصة يهدر، ما قدرش يقرا داكشي اللي كتبو ف الليل. عيا ما يشوف، ما فهم والو ف الكتبة ديالو.
وهو يسول الحاضرين: الله يخليكم كاين معانا شي صيدلي ف القاعة؟ّ؟؟
*************
واحد المرا بدلات النمرة د التيليفون، وبغات تفاجئ راجلها.
*************
واحد المرا بدلات النمرة د التيليفون، وبغات تفاجئ راجلها.
مشات للكوزينة، وعيطات ليه، قالت ليه: ألو يا عمري.
قال ليها: عيطي من بعد، راه البڭرة ف الكوزينة.
**************
هادا طبيب ديال العينين جالس مع خطيبتو ف الجردة.
**************
هادا طبيب ديال العينين جالس مع خطيبتو ف الجردة.
هز وردة وقال ليها: شايفة هاد الوردة؟
قالت ليه حشمانة: اه.
وهو يرجع إيديه شوية اللور، وقال ليها: ودابا؟
*****************
مبوق وقف مورا واحد مكلخ ف الڭيشي.
*****************
مبوق وقف مورا واحد مكلخ ف الڭيشي.
شوية بدا المبوق كيضحك.
سولو المكلخ: علاش كضحك؟
قال ليه المبوق: عرفت الكود ديالك.
قال ليه المكلخ: أشنو هو يالاه؟
قال ليه المبوق: نجمة، نجمة، نجمة، نجمة.
شبع فيه المكلخ ضحك وقال ليه: غلط، الكود ديالي هو 4011
*************
واحد قال لصاحبو: سلفني 500 درهم الله يرحم بيها الواليدين.
*************
واحد قال لصاحبو: سلفني 500 درهم الله يرحم بيها الواليدين.
قال ليه صاحبو: 200 درهم اللي عندي.
قال ليه لاخور: ماشي مشكل، عطيها ليا ونبقى نسالك 300 درهم
***********
قالوا ليه : نوض تخدم
***********
قالوا ليه : نوض تخدم
قال ليهم : علاش؟
قالوا ليه : باش دير الدار
قال ليهم : علاش؟
قالوا ليه : باش تزوج
قال ليهم : علاش؟
قالوا ليه : باش دير وليدات
قال ليهم :علاش؟
قالوا ليه : باش يخدموا عليك
قال ليهم :علاش؟
قالوا ليه : باش ترتاح
قال ليهم : راني هاكا مرتاح، علاش ندور هاد الدورة كاملة؟
********
واحد المكلخ مشى يشري صباط.
********
واحد المكلخ مشى يشري صباط.
سولو مول المحل: شحال كتلبس ف رجليك؟
قال ليه المكلخ: جوج فردات.
*************
هادي واحد المرا شارفة طلعات للكار.
*************
هادي واحد المرا شارفة طلعات للكار.
قالت ليهم وكلوني، وكلوها...
قالت ليهم تكيوني، تكاوها...
ناض واحد الشارف، وقال ليهم: هبطوني ...
قالوا ليه : علاش الحاج؟ ياك ما كاين باس؟
قال ليهم : خايف تزيد تقول زوجوني، تلصقوها فيا.
***********
هادا واحد عيطات ليه مرتو، قالت ليه: ألو
***********
هادا واحد عيطات ليه مرتو، قالت ليه: ألو
هو ما بغاش يهدر معاها دار راسو ما كيسمعهاش، وقال ليها: ألو؟
قالت ليه: ألو!
عاود قال ليها: ألو؟
قالت ليه: حلف بالله أنك ما كتسمعنيش
قال ليها: واحق الله
رغم انه ليس منتدى النكت ولكن انا اظن هذه لا تستحق ان تكون في منتدى النكت
ههههههههههههههههههههههههههههههههه
- المرفقات
- cooltext1122975436.gif
- لا تتوفر على صلاحيات كافية لتحميل هذه المرفقات.
- (30 Ko) عدد مرات التنزيل 0
- glitter-candy-137431552654107.gif
- لا تتوفر على صلاحيات كافية لتحميل هذه المرفقات.
- (31 Ko) عدد مرات التنزيل 0